توثيق التصرفات القانونية في الشق العقاري

السلام عليكم الإخوان غنحاولو مرة مرة نلوحو ليكم معلومات قانونية لغتقدر تفيدكم فحياتكم اليومية.

وبهدا غنتطرق لموضوع توتيق التصرفات القانونية زعما فاش لواحد كيبغي متلا يشري بقعة أرضية شناهية لإجراءات لخس يخدها فهاد لإطار.

أنا شخصيا ألاحظ مجموعة ديال الناس متلا فاش كيبغو يشرو شي أرض كيكتافيو بالكاتب العمومي، لي هو فالأصل لا يعتد به ومكيعتارفش به لقانون، ويقدر داك سيد لباع ليك ينصب عليك، ويبيع ديك لأرض لبزاف تناس، وهدا طبعا كيرجع الجهل ديال ناس، حينت إلى رجعنا المادة الرابعة من مدونة الحقوق العينية كيقوليك المشرع اسيدي إلا باغي تبيع ولا تشري اي حاجة عندها علاقة بالعقار، بحال متلا لمنازل لأراضي، ولا متلا فاش كتبغي توهب بقعة أرضية لشي شخص خاسكم تمشو عند لعدول، ولا لموتق بدرجة الاولى ولا لمحامي مقبول لترافع امام محكمة النقض أيضا، حينت لمحامي مكيوتقش زعما مكيكتبش جميع العقود، كما كتعارفو هما كتار وبزاف بحال متلا، عقد الهبة كنلقاو المشرع كيقوليك اسيدي هاد لعقد كيتوتق عند لعدول ولا لموتق صافي إلى جاب الله كتبو ليكم شي واحد أخر تبر راسك ولا وصلتو المحكمة، راه مغتعتارفش ليكم بهاد العقد، فحين متلا عقد بيع متلا شي واحد بغا يبيع لارض ديالو هنا كيقوليه المشرع اسيدي يمكن ليك تكتب لعقد ديالك يا عند العدول ولا المحامي ولا الموتق ومن غيرهم متعرفني منعرفك.

ونزيدكم اي واحد كان باغي يشري شي عقار محفظ قبل ميتكاتب مع مولاه يمشي لمحافظة العقارية هي لولة ويجيب شهادة الملكية باش يتأكد بلي داك سيد لبغا يبيع ليه هو مول لأرض.

ولكن إلا كانت ديك لأرض مامحفطاش هنايا شاري خاسو يطلب من البائع يقوليه جيب ليا شهادة إدارية كايخدها من عند سلطات المحلية وشهادة اللفيف ولي كنقصدو بها تناش شاهد فالمدهب المالكي زعما البائع يكون داا تناش ار واحد عند لعدول يكتب ليهم ديك شهادة باش ضمن حقك وتأكد بلي هو مول لأرض.

إعداد “رشيد أشكاجاي” طالب موجز في القانون الخاص، كلية الحقوق إبن زهر بأكادير.

شارك الموضوع للإفادة..