نصائح وتوجيهات للترشيح لاجتياز مباراة الأمن الوطني 2022
? إليكم بعض التوضيحات بخصوص شروط مباراة الأمن الوطني 2022 و أغلب الأسئلة التي تطرح
✓ طريقة تعبئة استمارة التسجيل ?
✓ ( الدراري لي ديجا خدامين ف الشرطة و بغاو الترقية لرتبة أعلى هادي مباراة خارجية فرصة لكم دفعو ادا كنتم تتوفرون على الشهادة العلمية المطلوبة )
✓ الاختبارات باللغة العربية وجوبا إلا ف رتبة المفتشين باللغة الفرنسية.
✓ الباك واخا قديم مقبول ف رتبة حارس أمن .
✓ السن ضروري تكون مكمل السن المطلوب قبل من تاريخ إجراء المباراة المعلن عنه (25 شتنبر 2022) .
✓ واخا ديجا كنتي دافع لأحد الرتب في السنوات الماضية عندك الحق تعاود تدفع .
✓ ممكن تدفع لزوج رتب في نفس الوقت ( لكن من الأحسن تختار رتبة وحدة و تركز و توجد ليها ) .
✓ الى ناقصك سنتيم واحد بالنسبة للطول غير مقبول و كذلك ضرووري تكون مستوفي جميع الشروط دون اي نقصان سواء ( شرط : المستوى العلمي المطلوب + السن + الطول + البصر + السمع ) .
✓ بلاما تكدب فشي حاجة و لا يزغب عليك راسك تدفع بشي شهادة مزورة حيت غادي تحصل حصلة خايبة ? .
✓ ديجا دوزتي و لا ديجا كنتي خدام و وقع شي مشكل و سنيتي التزام باش ماتبقاش تولج للميدان الأمني …بلاما تدفع ..عندك الحق ف باقي المباريات الاخرى من غير الأمن الوطني .
✓ الأنتقاء ف النقط كاين و سيأخدون كذلك بعين الاعتبار اللي دوزو التجنيد الاجباري او بما يسمى بالخدمة العسكرية (يعني أفونطاج إيجابي ) .
✓ ملي تكون كاتعمر الاستمارة د التسجيل ادا كانت عندك شي شهادة إضافية فشي مجال ضيفها مثلا الفنون القتالية و غيرها .
✓ تاريخ لجنة المداولة راه هو تاريخ فاش خديتي ديك الشهادة .
✓ رتبة حارس أمن : باكالوريا جميع الشعب
✓ مفتش شرطة : باك +1 ( و تكون مفاليدي زوج د الفصول ) .
✓ ضابط أمن : باك + 2 (لافاك و لا التكوين المهني) .
✓ ضابط شرطة : باك +2 ( حتى هو دبلوم الدراسات الجامعية العامة او المهنية أي لافاك و لا التكوين المهني ) ..أو شهادة التقني العالي المسلمة من إحدى الثانويات التأهيلية او مؤسسات التكوين المهني المعترف بها من طرف الدولة في التخصصات التالية فقط ( من غيرهم لا ) و هم كالتالي : [ التنمية المعلوماتية – شبكات المعلوميات – الميكاترونيك – الكاريكاتير – الطبع المعلوماتي – تصميم الحركة – الأشعة – المختبر – التحاليل الطبية – التمريض متعدد التخصصات – الكتابة في مجال الطب ] .
✓ عميد شرطة : الإجازة في الدراسات الأساسية او المهنية .. في القانون او الاقتصاد او العلوم السياسية او الصحافة والإعلام (معهد علوم الإعلام و الاتصال ) .
✓ ✓ السيت فين غادي تسجل ملي يتحل ابتداءا من 18 يوليوز القادم هو : Concours.dgsn.gov.ma .
✍️ ” صفحة : https://www.facebook.com/AmbassadorOfPeacee ..للشأن القانوني الجنائي الأمني و القضائي ”
